نكت قصيرة مضحكة للجزائريين -DZ
قالك مرة وحدة ودرت راجلها وراحت تبلغ الشرطة وادات وليدها
معاها قالها الشرطي :كيفاش داير راجلك؟ قاتلو: طويل وأشقر
وشعرو روجي أيا قالها وليدها :ماما هذي مشي مواصفات بابا ،قالتلو
أسكت يا وليدي بالاكك راح يجيبولنا واحد خير منو!
.القاضي : أنتا متزوج ؟
المتهم : ايه
القاضي : بيمن متزوج ؟
المتهم : بمرا (إمرأة)
القاضي ههه وعلاش كاين اللي يتزوج براجل ؟؟؟؟
المتهم : كاين
القاضي مخلوع : آه كاين ؟ وشكون ؟
المتهم : أختي متزوجة براجل ههه
مزطول قال صاحبو :
إذا قلت لأي واحد :
(أنا عارف كل شي)
بخافوا مني و بيعطوك الدارهم بزاف !!!!
... ... راح باباه وقالو: أنا عارف كل شي !!
تغير لون باباه و أعطاه 500 دينار
وقالو: بلاك تهدر يماك!!
راح يماها و قالها نفس الشي الأم خافت و اعطتولو 1000 دينار
و قالت له بلاك تهدر باباك !!
راح لعساس مسعود تع دار تعهم و قالو : أنا عارف كل شي
حضنه العساس مسعود بقوة وقالو : ولدي حبيبي !!!
مزطول يغير بزاف على مرتو
خطرة حطت ذبانة على خد مرتو ضربها بكف
قاتلو واش بيك ياراجل ياك ذبانة
قالها شكون قالك باللي ذبانة
بالاك ذبوون........
تلميذ جزائري مايفهمش انجليزي مليح
قالو الأستاذ تاعو كيفاش تقول لواحد تعالا هنا بالانجليزي ؟
قالو : كام هير
قالو و لو حاب تقولو يرجع تاني واش تقولو ؟؟
قالو :نروح للجهة الأخرى واقولو : كام هير
الجزائري ديما يسلك راسو ماتخافوش عليه
مزطول قالتو حبيبتو : أريدك أن تكون فارسا تقطع بسيفك
رأس كل من يجرأ على لمسي و أذيتي
فقال لها:قعدت معاك 2 دقايق حابة تدخليني للحبس*
قالك واحد الطفل صغير دايمن يدير يديه في نيفو
، قالتلو يماه تزيد ادير يديك في نيفك
تكبر كرشك بزاف، واحد المرة ركب في الكار
شاف واحدو المرأة بالكرش بقا يشوف فيها
و يضحك ، المرأة تقلقت و سقساتو:
علاه راك تضحك عليا؟ قالها:.
علابالي واش درتي باش كبرت كرشك.
